O Novo plan de transporte metropolitano está a funcionar con éxito nas 4 áreas de Transporte Metropolitano vixentes actualmente (A Coruña, Santiago de Compostela, Ferrol e Lugo). O programa tarifario asociado ao plan leva consigo un abaratamento e simplificación das tarifas, fixando estas tarifas a pagar polo usuario en función do título de viaxe empregado (Tarxeta Metropolitana de Galicia ou efectivo) e do número de saltos entre zonas de transporte que teña a viaxe. Ademais, estas tarifas son comúns a todas as ATM de Galicia.
Do mesmo xeito, este programa tarifario, ao que están vinculadas as bonificacións por transbordo e por un uso recorrente do transporte, contribúe non só a manter, senón tamén a aumentar a mobilidade nun contexto económico difícil como é o actual.
As tarifas zonais son actualizadas anualmente en función da evolución do IPC no sector do transporte, fixado neste exercicio nun 2,45%. Xa que logo, a partir do 1 de xaneiro aplicarase en cada unha das Áreas de Transporte Metropolitano a devandita actualización, de tal xeito que as novas tarifas son as que se reflicten de seguido:
Prezos de cancelación por número de saltos | |||
Nº. Saltos | Billete Sinxelo | Tarxeta TMG | |
Prezo Ata 40 Viaxes | Frecuente Máis de 40 Viaxes | ||
0 | 1,50 € | 0,84 € | 0,71 € |
1 | 1,50 € | 0,84 € | 0,71 € |
2 | 2,15 € | 1,28 € | 1,09 € |
3 | 2,75 € | 1,81 € | 1,54 € |
4 | 3,40 € | 2,21 € | 1,88 € |
5 | 4,90 € | 3,09 € | 2,63 € |
6 | 5,55 € | 3,63 € | 3,08 € |