Consellería de Infraestruturas e Movilidade

A Tarxeta da Mobilidade de Galicia, TMG, cada vez con máis vantaxes para as persoas.

Trátase do medio de pagamento que permite obter descontos no prezo dos servizos de transporte público. Nas Áreas de transporte metropolitano (ATM) facilitan a aplicación do sistema de tarifas zonais que estaba establecido, e no resto de Galicia xa permite acceder a un desconto do 10% en calquera servizo de transporte, ademais de a bonificación por recorrencia.

Trátase dunha tarxeta- moedeiro que se pode cargar cun máximo de 180 euros, non podendo facer unha recarga diaria superior a 60 euros, e sempre con cantidades múltiplos de 10 euros.

Esta tarxeta ten carácter persoal e é intransferible, tal e como se indica no reverso das tarxetas TMG.

Nas ATM, ademais de permitir acceder ás tarifas con descontos, tamén permite ás persoas usuarias transbordar gratuitamente entre aqueles medios ou servizos de transporte que deban utilizar para chegar ao seu destino, incluído os transportes urbanos das cidades integradas no Plan de transporte metropolitano de Galicia que dispoñen deste servizo público (A Coruña, Lugo e Santiago de Compostela). Ademais, nestas áreas, a aquelas persoas usuarias que viaxen de xeito recorrente, é dicir, máis de 40 veces ao mes, a Xunta de Galicia reintegraralles o 15% do seu gasto total en transporte metropolitano no dito mes.

Mais agora, co Plan de Transporte Público de Galicia, a tarxeta do transporte tamén permite acceder a vantaxes en viaxes en calquera outra viaxe interurbana fóra das ATM. Así, co seu simple uso, en calquera servizo de transporte interurbano, terase un desconto do 10%. E a este desconto sumarase a devolución do 25% do custo das viaxes entre un mesmo concello de orixe e de destino logo de ter feito máis de 20 viaxes no mes, e o 50% cando se viaxase xa máis de 40 veces. E prevese ir incorporando novas e maiores vantaxes.

Ademais, se tes menos de 21 anos, interesarache coñecer a Tarxeta Xente Nova, dado que te permitirá viaxar gratis.

Este medio de pagamento poderá ser adquirido en moitas das oficinas de ABANCA que figuran nos documentos que poderás descargar máis abaixo. E recorda que poderás recargala, ou recibir os reintegros por recorrencia ou Xente Nova, en calquera dos caixeiros da rede de oficinas de ABANCA.