CIV

CMATI

Vostede está en:
|
|
|
Compartir

Área de Ferrol

DESDE O 12 DE MARZO DE 2012 É POSIBLE UTILIZAR A TARXETA METROPOLITANA (TMG AZUL) EN RENFE OPERADORA

Zonas de transporte

A viaxe queda definida polas zonas de transporte nas que comezan e rematan as viaxes no transporte metropolitano;

Na seguinte táboa móstranse as zonas definidas na Área de Ferrol:

  

Zonas
Concellos
C-Bet2
Miño
C-Eum0
Cabanas - Pontedeume
C-Fer0
Ferrol
C-Fer1
Fene - Narón - Neda
C-Fer2
Valdoviño
C-Fer3
Ares - Mugardos
C-Fer4
Cedeira
 

 

Imaxe que mostra a área metropolitana de Ferrol

 

Tarifas

Segundo o número de saltos definidos entre a zona de orixe e a zona de destino da viaxe así será o custo. Para facilitar a comprensión do sistema facilitamos 3 táboas. Na primeira pode consultar o número de saltos que ten a súa viaxe, tendo en conta a zona de transporte de orixe e a de destino. No segundo recadro pode consultar o prezo da súa viaxe, que dependerá do número de saltos que teña e de se paga en efectivo ou coa tarxeta metropolitana. Finalmente, no terceiro recadro, pode ver o tempo do que dispón na súa viaxe para realizar o transbordo con carácter bonificado. Para a zona de Ferrol, as tarifas son as seguintes:

 
 
Imaxe que mostra as tarifas

Esta táboa permíteche comprobar o número de saltos que hai na viaxe que vas realizar. Podes ver as zonas de transporte no mapa.

 

Prezos de cancelación por número de saltos

Nº. Saltos
Billete Sinxelo
Tarxeta TMG

Prezo Ata 40 Viaxes

Frecuente Máis de 40 Viaxes

0
1,50 €
0,85 €
0,72 €
1
1,50 €
0,85 €
0,72 €
2
2,20 €
1,30 €
1,10 €
3
2,80 €
1,84 €
1,56 €
4
3,45 €
2,24 €
1,90 €
5
4,95 €
3,13 €
2,66 €
6
5,65 €
3,68 €
3,13 €
 
 
 

En función do número de saltos que teñas, na táboa podes ver o prezo da túa viaxe para os pagamentos en efectivo ou con tarxeta.

 
 

Canto tempo teño para realizar o transbordo de xeito bonificado coa tarxeta metropolitana de Galicia?

Saltos
Tempo permitido
0
60 minutos
1
60 minutos
2
75 minutos
3
90 minutos
4
90 minutos
5
90 minutos
6
90 minutos
 
 
 

Exemplo 1: Cedeira - Ferrol

Para unha viaxe no transporte metropolitano dende un punto de parada no concello de Cedeira (zona C- Fer4) e baixando nunha parada no concello de Ferrol (zona C-Fer0), con independencia do operador e a posterior necesidade de transbordar ou non, será catalogado coma de 3 saltos, polo que o custo do billete sinxelo será de 2,80 euros, e o custo utilizando a tarxeta do transporte metropolitano de Galicia, será de 1,84 euros. Ó tratarse dunha viaxe de 3 saltos, o tempo dispoñible para transbordar sen penalización será de 90 minutos, polo que se dentro dos 90 minutos posteriores á saída dende a orixe colle un segundo autobús para facer un traxecto dentro do concello destino este non incrementaría o prezo xa pagado.

 

Exemplo 2: Cabanas - Narón

Se queremos viaxar dende unha localidade do concello de Cabanas (zona C-Eum0) a unha do concello de Narón (zona C-Fer1), ó non contar cun enlace directo, faríamos transbordo en Fene. Tanto Narón coma Fene atópanse na zona C-Fer1, polo tanto temos que aplicar o prezo para 1 salto, e ó cancelar na orixe pagaríamos con billete sinxelo 1,50 euros, e coa Tarxeta TMG 0,85 euros. Antes de 90 minutos dende a saída de Cabanas teremos que coller o autobús en Fene que nos levará a Narón (0 saltos), polo que ó cancelar coa Tarxeta TMG non nos custará nada.

Se pagamos en efectivo (billete sinxelo), teriamos que incrementar o custo noutros 1,50 euros, facendo un total de 3 euros pola mesma viaxe que, pagando coa tarxeta, custaría 0,85 euros.

Documento/s relacionados