Consellería de Infraestruturas e Movilidade

Exemplo 1: Fornelos de Montes – Redondela

Para unha viaxe no transporte metropolitano dende calquera localidade do concello de Fornelos de Montes (zona P-Vig7) e baixando nunha parada no concello de Redondela (zona P-Vig2), con independencia do operador e a posterior necesidade de transbordar, será catalogado coma de 2 saltos (verifique a información no recadro correspondente), polo que o custo do billete sinxelo (se paga en efectivo) será de 2,25 € e o custo utilizando a tarxeta do transporte metropolitano de Galicia será de 1,34 €. Ó tratarse dunha viaxe de 2 saltos, o tempo dispoñible para transbordar sen penalización será de 75 minutos, polo que se dentro dos 75 minutos posteriores á saída dende Fornelos de Montes se colle un segundo autobús dentro do concello de destino este non incrementaría o prezo xa pagado.

No caso de ter pagado o billete sinxelo non se aplica o transbordo e deberíase pagar o billete do seguinte autobús.

Exemplo 2: Baiona – Vigo  

Para unha viaxe no transporte metropolitano dende calquera localidade do concello de Baiona (zona P- Vig3) e baixando nunha parada no concello de Vigo (zona P-Vig0), con independencia do operador será catalogado coma de 2 saltos (verifique a información no recadro correspondente), polo que o custo do billete sinxelo (se paga en efectivo) será de 2,25 € e o custe utilizando a tarxeta do transporte metropolitano de Galicia será de 1,34 €.

Antes da aplicación das novas tarifas asociadas ó Plan de Transporte Metropolitano de Galicia, este mesmo desprazamento tiña un custe medio de 3,63 € (2,31 € autobús interurbano + 1,32 € autobús urbano). É por iso que, co pago con tarxeta o usuario aforra 2,29 € por traxecto, contía que se incrementa no caso de que sexa un viaxeiro recorrente.

Ejemplo 3: Cangas- Vigo

Para unha viaxe no transporte metropolitano dende Aldán no concello de Cangas (zona P-Mor0) e baixando nunha parada no concello de Vigo (zona P-Vig0), collendo un autobús metropolitano e despois o barco, será catalogado como de 2 saltos (verifique a información no recadro correspondente), polo que o custo do billete sinxelo (se paga en efectivo) será de 2,25 € e o custo utilizando a tarxeta do transporte metropolitano de Galicia será de 1,34 €.

Antes da aplicación das novas tarifas asociadas ó Plan de Transporte Metropolitano de Galicia, este mesmo desprazamento tiña un custo medio de 3,90 €. É por iso que, co pago con tarxeta, o usuario aforra 2,56 € por traxecto, contía que se incrementa no caso de que sea un viaxeiro recorrente (realice máis de 40 viaxes mensuais), nese caso o aforro ascendería á contía de 2,80 €.