Consellería de Infraestruturas e Movilidade

Zonas de transporte

A viaxe queda definida polas zonas de transporte nas que comezan e rematan as viaxes no transporte metropolitano.

Na seguinte táboa móstranse as zonas definidas na área da Coruña:

Tarifas

Segundo o número de saltos definidos entre a zona de orixe e a zona de destino da viaxe así será o custo da viaxe. Para facilitar a comprensión do sistema facilitamos 3 táboas. Na primeira pode consultar o número de saltos que ten a súa viaxe, tendo en conta a zona de transporte de orixe e a de destino. No segundo cadro pode consultar o prezo da súa viaxe, que dependerá do número de saltos que teña e de se paga en efectivo ou coa tarxeta metropolitana. Finalmente, no terceiro cadro, pode ver o tempo do que dispón na súa viaxe para realizar o transbordo con carácter bonificado. Para a zona de A Coruña, as tarifas son as seguintes:

Esta táboa permite comprobar o número de saltos que hai na viaxe que se vai realizar. Pódense ver as zonas de transporte no mapa.

0 * Viaxes no transporte urbano da cidade da  Coruña

En función do número de saltos da viaxe, na táboa pódese ver o prezo correspondente para os pagamentos en efectivo ou con tarxeta.

Exemplo 1: Sada - A Coruña

Para unha viaxe no transporte metropolitano dende calquera localidade do concello de Sada (zona C-Cor3) e baixando nunha parada no concello da Coruña (zona C-Cor0), con independencia do operador e a posterior necesidade de transbordar ou non no urbano, será catalogado coma de 2 saltos (verifique a información no cadro correspondente), polo que o custo do billete sinxelo (se paga en efectivo) será de 2,25 euros, e o custo utilizando a tarxeta do transporte metropolitano de Galicia, será de 1,34 euros. Ao tratarse dunha viaxe de 2 saltos, o tempo dispoñible para transbordar sen penalización será de 75 minutos, polo que se dentro dos 75 minutos posteriores á saída dende Sada se colle un segundo autobús dentro do concello destino (por exemplo, o urbano da Coruña) este non incrementaría o prezo xa pagado.

No caso de ter pagado o billete sinxelo non se aplica o transbordo e deberíase pagar o billete do urbano da Coruña.

Exemplo 2: A Coruña - Sada

Seguindo o exemplo anterior, facemos a viaxe de volta a Sada dende o centro da Coruña, e supoñendo que o autobús do metropolitano sae dende a Estación de Autobuses. Neste caso, colleríase o urbano da Coruña ata a Estación; se pagamos coa tarxeta do Transporte Metropolitano de Galicia, cancelarase por 0,75 euros. Antes de que transcorran os 75 minutos collemos o metropolitano dende a Estación de Autobuses da Coruña con destino Sada (2 saltos) cun custo de 1,34 euros. Ao ter xa pagado 0,75 euros e o transbordo transcorrer nos 75 minutos, este descontarase do custo final, cargando nesta segunda cancelación na tarxeta 0,59 euros (total, 1,34 euros a viaxe).

No caso de non pagar coa tarxeta, o custo sería de 1,20 euros para o urbano e de 2,25 euros para a viaxe a Sada (total 3,45 euros).